اسلام آباد۔ مجلس وحدت مسلمین پاکستان کے سیکرٹری جنرل علامہ ناصر عباس جعفری نے کہا ہے کہ ہم نے اپنے شہداء کے ساتھ عہد کیا ہے کہ ہم ان کے قاتلوں کو کیفرکردار تک پہنچا... Show More >>
اسلام آباد۔ مجلس وحدت مسلمین پاکستان کے سیکرٹری جنرل علامہ ناصر عباس جعفری نے کہا ہے کہ ہم نے اپنے شہداء کے ساتھ عہد کیا ہے کہ ہم ان کے قاتلوں کو کیفرکردار تک پہنچا کر دم لیں گے، پاکستان اسلام کے نام پر ہمارے آبائو اجداد کی قربانیوں سے وجود میں آیا اور اسلام دین امن ہے،انہوں نے یہ بات مرکزی جامع مسجد اثناء عشری و امام بارگاہ G-6/2 میں خطبہ جمعہ میں
ہزارواں افراد کے اجتماع سے خطاب کرتے ہوئےکہی۔انہوں نے کہا کہ ملک کو امن کا گہوارہ بنانے کے لیے ضروری ہے کہ حکومت اور قانون نافذ کرنے والے ادارے اپنی ذمہ داریوں کا احساس کرتے ہوئے ان کرایے کے قاتلوں کے خلاف موثر کارروائی کریں۔ ان کا کہنا تھا کہ دہشت گردی کا مسئلہ کوئٹہ مستونگ سے شروع ہوکر گلگت بلتستان تک جاپہنچا ہے جس پر حکومتی اداروں نے آنکھیں بند کر رکھی ہیں۔ انہوں نے کہاکہ اگر جیلوں میں سزا یافتہ موجود دہشت گردوں کو نشان عبرت بنادیا ہوتا تو کوہستان جیسے واقعے کا تدارک ممکن تھا۔ انہوں نے کہا کہ قتل عام اور نسل کشی بھی ہماری کی جا رہی ہے اور امن کے نام پر کرفیو بھی ہمارے علاقوں میں لگا دیا جاتا ہے۔ یہ پالیسی اب زیادہ دیر تک نہیں چلے گی۔ ہم نے حکومت کو اپنے مطالبات جو کہ بالکل آئینی و قانونی ہیں پر عملدرآمد کے لیے پندرہ دن کی مہلت دی تھی، اگر معین مدت میں حکومت نے دہشت گردوں کو گرفتار کر کے قانون کی بالادستی کا ثبوت نہ دیا اور ہمارے مطالبات پورے نہ کیے گئے تو ہم چین سے نہیں بیٹھیں گے۔ انہوں نے کہا کہ حکومتی بدعہدی پر پارلیمنٹ، گورنر ہائوسز اور بیرونی ملک پاکستانی سفارتخانوں کا بیک وقت گھیرائو کیا جائے گا اور تمام تر حالات کی ذمہ داری حکومت پر ہو گی۔ علامہ ناصر جعفری کا کہنا تھا کہ ہمیں کربلا سے شہادت میراث میں ملی ہے اور ہم موت سے ڈرنے والے نہیں۔ انہوں نے کہا کہ تحریک کربلا میں خاندان رسول ۖ کی سیرت نے ہمیں ظلم کے خلاف اپنی پوری قوت کے ساتھ احتجاج کرنے کا درس دیا ہے۔ انہوں نے کہا کہ ہمیں اپنی صفوں میں اتحاد و یگانگت کی فضاء کو پروان چڑھانا ہو گا تاکہ ہم اسلام اور پاکستان کے دشمنوں کا مقابلہ کر سکیں۔ علامہ ناصر عباس جعفری نے قوم کے نام اپنے پیغام میں کہا کہ ہم آئندہ جمعہ ''جمعہ استقامت'' کے طور پر منائیں گے جس کا مقصد شہداء کے ساتھ یکجہتی اور ملت جعفریہ کی وحدت کا بھرپور مظاہرہ ہو گا Show Less >>
Having difficulty playing this video? Click here and let us know.
ShiaTV does not endorse any User Submission or any opinion, recommendation, or advice expressed therein, and ShiaTV expressly disclaims any and all liability in connection with User Submissions.
Comments
Add Comment